Urederra

     Lanean hasi bai, baina oraindik arratsaldeak libre genituela aprobetxatuz, Bustok eta biok Urbasa aldera joan ginen argazkietarako gogoekin. Ez egunak, ez orduak eta ez eguraldiak ez zigun asko lagundu, baina saltxeatzeko aukera izan genuen eta argazkiak gutxi izan arren egun hura gogoratzeko batzuk jarriko ditut. Ondoren, etxerako bueltan, Urbasako kanpina han ikusita eta gaueko hamarrak zirela ikusirik, ezin izan genuen plater konbinatu bat afaltzeko gogoarekin gelditu eta gure azken aurreko stopa hantxe egin genuen.

Irantzuko monastegitik-Dulantzera

     Abuztuaren 31ean hasi ziren lanera joateko tronpetak entzuten eta hiru egun aprobetxatu nituen meditatu eta urte honetako helburuak errepasatzeko. Ez dakit zuentzat, baina niretzako urtea irailaren 1ean hasten da. Hau da nire benetako urte berria. Beraz, gabon zaharrean Irantzuko monastegitik, Dulantzera joan nintzen meditazioarekin bukatzera. Dulantzen eguraldi zoragarria, gure mendikate garrantzitsuenen ikuslekuan bilakatu zelarik.

Hiru erregeak, Hiru Errege Mahaiean.

      Oporraldia bukatzen ari zen eta orkestrarekin eginiko azken bidaiaren emozioarengatik, beste bi kiderekin batera Hiru Erregeen Mahaira joan ginen. Espetekak motxila atzea lehortzen jarri eta Linzako aterpetik gora abiatu ginen. Segituan konturatu ginen betiko akatsetako bat errepikatu genuela. Pisu gehiegia. Hala ere, sufrimendu txiki hark pena merezi izan zuen gaua apurtxo bat girotzeko patxaran boteilekin. Egun horretan, arratsaldeko seiretarako Euskal Herriko zapaia ikutu eta jarraian pauso arinean jetsi ginen toki eder bat bilatu eta aurretik ezaguturiko neska zoragarri bi aurkitzeko ametsarekin. Gauak argazkiekin tontakeriak egiteko beta ireki eta hurrengo egunean goiz jetsi ginen kotxera Arbayuneko arroila egiteko planiñarekin. Indarrek ez ziguten hau egiten utzi eta Otsagi bisitatu (lastima astebukaera ez zala Orhipean prestatzen ari zirelako), presan bainatu eta Muskildara igo ginen bazkaldu eta siesta egitera.